Hví velja Nema TÍÐ?
Við Nema TÍÐ ber til hjá fyritøkum og stovnum at halda skil á arbeiðstíðini hjá starvsfólki – bæði tímaløntum og fastløntum. Skipanin er føroysk ment og tískil skræddaraseymað til føroyska marknaðin.
Nema TÍÐ heldur m.a. skil á:
- Nær starvsfólk møta og fara heim
- Hvar starvsfólk eru, og hvat tey gera
- Hvørji eru møtt, og hvørji ikki
- Nær fólk eru í feriu, avspáka ella eru sjúk
- Um talan er um vanliga tíð, yvirtíð ella vaktarbeiði
- Um fastlønt fólk hava yvirtíð og/ella feriu til góðar
- Um starvsfólk arbeiða fulla tíð ella stytta tíð
- Hvat ymisku arbeiðini kosta eitt ávíst tíðarskeið
- Hvørjir tímar kunnu fakturerast víðari til kundar
- Øllum sáttmálum á arbeiðsmarknaðinum
- Árskalendara, ið heldur skil á feriudøgum og halgidøgum pr. sáttmála.
Skipanin kann vera partur av einum heildarpakka við øðrum skipanum frá Nema, men kann eisini integrerast við aðrar bókhaldsskipanir eitt nú við at stempla tímar inn á sakir.
Lyklatøl
Umleið 80 føroyskar fyritøkur og stovnar brúka Nema TÍÐ.
Kostnaður úr 835 kr/mðr uttan MVG.
Umbið framløgu
Væl nøgdir kundar
Grundpakkin
Starvsfólk kunnu skráseta sína tíð á ymiskan hátt, alt eftir ynski og
tørvi hjá kundanum t.d. umvegis:
- Vanligar teldur
- Serteldur við fingraskíggja, ið tolir vatn, skitt og salt
- Teldlar – við ella uttan 4G
- App á fartelefonum
- Web síðu umvegis browsara
- Eisini ber til at innlesa stemplingar umvegis Excel
Eykamodulir
Feriu- og flexstýring
Ofta er tað ein avbjóðing hjá fyritøkum og stovnum at halda skil á feriudøgum og avspákingarsaldi hjá starvsfólkum. Men við Nema TÍÐ er skjótt og lætt at halda stýr á hesum, tí tá ið allir arbeiðstímar, feriudagar og avspákingardagar verða skrásettir, heldur skipanin sjálv skil á, hvussu nógvir feriudagar eru eftir, og um starvsfólk eiga avspáking til góðar.
Tølini verða førd beinleiðis yvir í Nema LØN, soleiðis at bæði feriu og avspákingarsaldi standa á lønarseðlinum hjá hvørjum einstøkum.
App/web stempling
Við App/Web modulinum ber til at stempla sína tíð umvegis fartelefon ella web browsara, óansæð hvar starvsfólk eru. Til ber at nýta øll sløg av fartelefonum, bæði Andoid, iOS og Windows. Eisini ber til at nýta ymiskar browsarar til web stempling.
Við hesum báðum møguleikum ber til at síggja eina støðumynd, sum vísir, hvar tínir starvsfelagar eru og hvat tey gera. Eisini ber til at síggja t.d. egna feriu og avspákingarsaldi og dags- og vikuyvirlit. Eisini kann ein formaður/leiðari umvegis telefonina stempla øll “síni” fólk í senn, og senda teimum eini boð umvegis sms ella mail.
Umvegis telefonina ber eisini til at stempla sína tíð á sakir í Lundanum – klárt til fakturering!
Business Intelligence
Flestu kundar kenna væl Excel, ið er eitt gott og fleksibult amboð til at roknað út og síggja ymisk hagtøl. Vit hava tí knýtt Nema TÍÐ at Excel, har kundar umvegis eina sergjørda Pivot tabel (BI), hava sera góðar og fleksiblar møguleikar fyri at taka viðkomandi hagtøl út.
Hetta er gull vert hjá leiðsluni!
Stempla á sakir
Hjá fleiri kundum kann fakturering av tímum vera ein stór avbjóðing. Tí tað er so skjótt at gloyma, hvør gjørdi hvat og nær, samstundis sum nógv eyka arbeiði er at skráseta tímar manuelt í eina bókhaldsskipan. Við Nema TÍÐ kann hetta gerast nógv lættari og rættari við at skráseta tímar beinleiðis á sakir í Lundanum (til ber eisini at arbeiða saman við Navision).
Tá ein sak er stovnað í bókhaldinum, verður hon sjónlig í Nema TÍÐ, og til ber at skráseta tímar beinleiðis á sakina. Tá ein leiðari hevur góðkent tímarnar, verða teir fluttir inn á sakina í bókhaldinum og eru klárir at útfakturera.
Heildarloysn til tykkara umsiting
Við at brúka fleiri av okkara KT-skipanum, fáa tit eina skræddaraseymaða heildarloysn til alla tykkara fíggjar- og lønarumsiting. Skipanirnar eru tætt integreraðar í hvørja aðra, so dátur ferðast lættliga millum skipanirnar. Harafturat kunnu allar trygt hýsast hjá okkum, og tit fáa samlaða tænastu á einum stað.
Harafturat kunnu vit bjóða eina størri heildarloysn til allan tykkara KT tørv m.a. við Office 365, hýsing, Journalskipan, HR-skipan, prent og kopi, teldum og útgerð, servarum, goymslu, net og trygd.
Okkara kundar siga…
Vit fingu okkum Nema LØN og Nema TÍÐ í 2016 afturat Lundanum, so vit nú hava eina heildarloysn frá Nema. Hetta hevur gjørt okkara arbeiði lættari og effektivari. Starvsfólk stempla tímar og tilfar inn á sakir, ið tey arbeiða við, og so verða rokningar og lønir gjørdar upp talgilt. Skipanirnar eru lættar at brúka og hava vit trupulleikar ringja vit og fáa hjálp beinanvegin.
John Mikkelsen, stjóri
Elektrikkarin
Vit brúka Lundan, LØN og TÍÐ frá Nema og hava hesar gjørt arbeiðsdagin munandi lættari, samstundis sum vit hava spart fitt av tíð og peningi. Vit hava í nógv ár brúkt Lundan, men skuldu í 2016 velja eina nýggja og meira tíðarhóskandi heildarloysn. Vit valdu eina heildarloysn frá Nema og tað eru vit sera væl nøgd við. Vit eru glað fyri at nýta lokalar føroyskar loysnir og at hava føroyingar at tosað við.
Frimodt Rasmussen, stjóri
Klaksvíkar Sleipistøð
Íløgan vit gjørdu í Nema LØN og Nema TÍÐ varð longu væl og virðiliga spard innaftur sama ár, tí vit hava spart munandi í bæði umsiting og tímum. Áðrenn skrivaðu mennirnir tímaseðlar og alt mátti skrásetast manuelt. Nú stempla fólk og fáa løn fyri reellu tímarnar tey arbeiða, og vit sleppa frá at skráseta nakað manuelt. Alt er tí nógv skjótari, lættari og rættari í dag. Er okkurt at spyrja um ringja vit til Nema, sum hevur veitt eina sera góða tænastu.
Marni F. Joensen, fyrisitingarleiðari
Oilwind
Royn Nema TÍÐ
Ynskir tú at vita meira um skipanina ella síggja eina demo?
So er at seta seg í samband við okkum ella bíleggja eina framløgu.
