Við sakmodulinum í Lundanum ber til at skráseta vørur og tímar á eina sak, ið kann brúkast sum grundarlag fyri fakturering. Tað er skjótt og lætt at flyta eina sak til ordra, men tað ber eisini til at ávegis fakturera úr sakini, so hvørt arbeiðið er liðugt. Neyv hagtøl síggjast alla tíðina, hvussu fíggjarliga gongur við sakini.

Tað ber eisini til at leggja innkeypsordrar beinleiðis inn á sakir. Kundar, ið brúka Nema TÍÐ, kunnu harafturat stempla tímar beinleiðis inn á sakir í Lundanum. Við hesum slepst undan nógvum manuellum tastingum, samstundis sum hetta fyribyrgir skeivleikum.

Við “viðheftum skjølum” í Lundanum ber til at goyma inngangandi rokningar í Lundanum. Yvirhøvur er talan um PDF-skjøl, ið eru heft við einum telduposti, men tað ber eisini til at leggja onnur skjøl inn sum t.d. Word og Excel. Við hesum slepst í grundini undan at goyma rokningar í ringbindum, tí tá liggur alt í Lundanum, har tað er skjótt og lætt at leita fram aftur.

Kundar, ið brúka viðheft skjøl, kunnu eisini hefta ymisk fylgiskjøl við (tekningar, sertifikat, garantiskjøl o.a. tá teldupostur verður sendur út, t.d. í sambandi við tilboð og fakturar). Fylgiskjølini liggja eisini eftir sum PDF-skjøl í Lundanum, har tað er skjótt og lætt at taka tey framaftur.

Tá ið ein fyritøka ella stovnur veksur við t.d. fleiri deildum ella lokatiónum, kunnu dimensiónir verða ein góð loysn til at varðveita fíggjarliga yvirlitið yvir ávísu deildina/lokatiónina, samstundis sum kontolistin ikki verður óendaliga langur.

Í staðin fyri ein langan kontolista við fleiri deildum/lokatiónum, ið hava líknandi konti (t.d. fleiri telefon konti), ber ístaðin til at hava eina telefon konto, ið verður bókað á tær ymisku dimensiónirnar. Góð hagtøl fáast út pr. dimensión.

Alsamt fleiri almennir stovnar og størri fyritøkur seta nú sum krav, at teirra veitarar skulu senda talgildar fakturar (oioxml) – og Lundin megnar hetta!

Hjá kundum er fyrst neyðugt at tosað við annaðhvørt Rokningadepilin/Elektron ella Farpay, fyri at sleppa inn í skipanina. Frá hesum veitarum fáa tit neyðugu loyvini, sum m.a. skulu nýtast í Lundanum og sum samleiki í talgildu skipanini framyvir. Tá hesi viðurskifti eru komin uppá pláss, hjálpa vit við uppseting og vegleiðing í Lundanum. Tá uppsett verður í Lundanum er eisini neyðugt at fáa upplýst sonevnda GLN nr. hjá einstaka móttakaranum.

Við kassaskipanini í Lundanum ber til at avgreiða allar kontantsølur skjótt og lætt. Til ber at rinda kontant, við gjaldskortum ella seta vørur á ordrar hjá kundum. Eisini ber til at brúka gávukort. Kassaskipanin hevur eitt gott søluyvirlit, ið vísir sølu pr. kassa, pr. dato og klokku. Ein einføld kassauppgerð fylgir eisini við skipanini.

Skipanin er gjørd til fingraskíggja, og við einum góðum skermi er lætt av avgreiða kundan. Til ber at knýta ymisk hardware til kassaskipanina eftir tørvi. Mest vanligt er ein telda við hóskandi fingraskíggja, kassaskuffu og bonprintara. Fleiri brúka eisini labelprintara og strikukotulesara afturat.

Við roknskaparmodulinum í Lundanum ber til at seta ein fullfíggjaðan roknskap upp við støði í egnum tørvi. Roknskapurin kann innihalda bæði forsíðu, rakstur, status, viðmerkingar og enntá ymisk lyklatøl. Tá alt er uppsett eftir ynski, ber til hvønn dag og við einum músaklikki at síggja, prenta ella maila út ein fullfíggjaðan roknskap.

Til ber at goyma ymiskar uppsetingar eftir egnum ynski, samstundis sum til ber at seta ymiskar kolonnur upp til samanberingar av tølum, t.d. mánað fyri mánað, ár fyri ár ella eftir fíggjarætlan.

Roknskaparmodulið er eitt sera hent leiðsluamboð!

Við nýggju appini til vøruteljing verður vøruteljing (næstan) eitt spæl. Appin kann nýtast til allar fartelefonir, bæði Android, iOS og Windows.

Tá vørulistin er lisin inn á telefonina, er skjótt og lætt at taka mynd av strikukotuni og tasta nøgdina inn. Tá teljingin er liðug verður lisið inn aftur á goymsluna í Lundanum.

Kundar, ið innflyta vørur, hava ofta avbjóðingar, tá talan er um tolling. Ofta er talan um eina fløkju av ymiskum satsum, tariffum og skipanum, áðrenn klárt er at selja. Við nýggja tollingarmodulinum í Lundanum slepst undan fleiri frustratiónum og manuellum tastingum, tí alt verður skrásett beinleiðis úr Lundanum.

Tollingarskipanin í Lundanum er beinleiðis knýtt at tollskránni hjá TAKS á netinum, og tí slepst eisini undan feilum og pappírum. Tollingarskipanin er eitt “must” hjá øllum fyritøkum, ið flyta nógvar vørur inn úr útlondum.

Við endurtøkuordrum í Lundanum ber til at skráseta afturkomandi avtalur við kundar, soleiðis at hesar ikki detta niður ímillum. Talan kann vera um fastar avtalur fyri vørur ella tænastur, ið skulu sendast út eftir nærri ásettum týttleika sum t.d. mánaðarliga, kvartárliga ella árliga.

Endurtøkuordrarnir liggja í samlaðum yvirliti, ið ger tað lætt at hava yvirlit yvir allar avtalur og at senda fakturar rættstundis avstað.

Við netbanka integratión ber til at lætta munandi um gerandisdagin hjá bókhaldaranum, serliga um kundar hava nógvar flytingar inn/út í netbankanum. Tí við hesum moduli slepst undan at prenta kontoavrit út og manuelt bóka í Lundan. Ístaðin ber til at innlesa flytingarlistan (inn/út ella bæði) beinleiðis yvir í Lundan. Um kundin viðmerkir faktura ella kundanr. kennir Lundin mótkonto hjá kundanum aftur.

Um ikki, verður mótkonto ásett manuelt. Tá flytingarlistin er liðugt gjøgnumgingin er klárt at bóka, og so er alt liðugt! Við hesum sama moduli ber eisini til skjótt og lætt at flyta kreditorar. Tað ber nevniliga til at velja allar kreditorar frá/til dato við saldo. Tá listin er gjøgnumgingin er klárt at bóka og flyta yvir í netbankan til endaliga avgreiðslu.

Hevur ein fyritøka brúk fyri at keypa vørur inn frá eksternum veitarum á goymslu til víðari sølu, eru keypsordrar og goymlsustýring ein góð loysn.

Við hesum ber til at skráseta vørur frá veitarum á keypsordrar fyri at bíleggja. Tá vørurnar eru komnar, verður ordrin fluttur yvir til ein keypsordra og einstøku vørurnar skrásettar inn á goymsluna.