Tvungin ella lógarkravd eftirløn pr. 1. januar 2024
Tvungin ella minstakrav fyri lógarkravda eftirløn skal broytast frá 9% til 10% pr.1. januar 2024. Henda eftirlønin hækkar við 1% hvørt árið fram til 2026, tá hon er komin uppá 12%. (Sí kunngerdaportalur.fo 69/2015).
Hetta er galdandi fyri øll frá 0 ár til pensjónsaldur.
Undantak kann gevast útlendingum við arbeiði í Føroyum í styttri áramál.
Tó er eitt “bagatell” mark sett uppá eftirløn undir 30 kr..
Tvs., at inntøka íroknað frítíðarløn/ískoyti upp til 300,00 kr. er undantikin kravi um eftirløn. ( 10% av 300,00 kr = 30 kr.)
Ynskir ein at koma undir hetta mark, ber til í lønarportalinum at deila viðkomandi upp í fleiri linjur, men er eftirlønin ov lág uppá ársbasis, fær viðkomandi løntakari eina heilsan frá TAKS um at gjalda munin.
Tey, sum fáa fólkapensjón (vanliga frá 67 ára aldri), kunnu IKKI fáa eftirløn. Tað noktar lønportalurin fyri. Hava arbeiðsgevarar skyldu til at gjalda hesum eftirløn, tí sáttmáli ella avtala sigur tað, so má arbeiðsgevari útgjalda hesum sína eftirløn sum vanliga løn. Hetta verður vanliga gjørt við at stovna ein “frádrátt” til “útgoldna eftirløn”.
Tey, sum hava lógarkravda ella tvungna eftirløn í síni lønarskipan, skulu broyta eginpartin frá -9% til -10% og eftirlønina frá 9% til 10%,
Um ein hevur brúkt satsin 10,08%, skal hesin broytast til -11,2% og 11,2%.
Um ein hevur brúkt satsin 9,14%, skal hesin broytast til -10,15% og 10,15%.
Tvungin eftirløn verður roknað av allari A-inntøku íroknað frítíðarløn/ískoyti.
Vanlig eftirløn verður roknað av allari A-inntøku men ikki íroknað frítíðarløn/ískoyti.
Løntengd almenn gjøld pr. 1. januar 2024
Gjaldið til Arbeiðsmarknaðareftirlønargrunnin er óbroytt 3,0%. (Sí kunngerdaportalur.fo 70/2018)
Gjaldið til Barsilsskipanina er óbroytt 0,86%. (Sí kunngerdaportalur.fo 171/2020)
Gjaldið til Vinnusjúkragrunnin er óbroytt 0,10%
(Gjaldið til Barsils- og Vinnusjúkragrunnin verða kravd inn saman).
Gjaldið til Arbeiðsloysisskipanina er broytt frá 1.0% til 0,8%, (Sí kunngerdaportalur.fo 107/2023)
Samlaða gjaldið til hesi almennu gjøldini er sostatt broytt frá 4,96% til 4,76%
Gjaldið til Trygdargrunn Fiskivinnurnar er óbroytt 0,6%. (Sí kunngerdaportalur.fo 121/2016)
Ymiskt um ársenda/byrjan í dos-klokku- & dos-lønarskipan 2023/2024
Við at opna hesa niðanfyri standandi fílu “arsendi23.pdf” kanst tú lesa um, hvat skal gerast í samband við ársskiftið 2023/24 hjá teimum við dos-lønarskipan og dos-klokkuskipan.
Tey, sum hava ALS Fiskavirkisskipan í dos-lønarskipan, skulu taka hesa niðanfyri standandi fílu “ALSSKEMA.TXT” niður og goyma hana (høgraklikk og gem som) í directory ..\AVRLON. (Vanliga c:\avrlon). Svara J fyri at yvirskriva.
Um tú ivast, hvar lønarskipanin liggur, kanst tú høgraklikkja á ikonið fyri lønarskipan og hyggja undir “egenskaber”.”
Nema Løn og árskiftið 2023
Tey, sum nýta lønaskipan Nema Løn (forritað í windows, .net og sql), skulu ikki gera nakað serligt ísamband við nullstilling av lønartotalum. Alt er datostýrt.
Tó skulu tey við Fiskavirkisskipan (á flakavirkjum) velja at dagføra FV-skeiðini fyri 2024.
Hetta gera tey við at velja “Fiskavirkisskipan” og síðani velja “Innles FV-skeið NEMA dagføring”.
Annars verður víst til grein ovast um at rætta tvungna eftirløn.
Og til grein niðanfyri um at broyta eftirlønir hjá manningarfeløgum hjá teimum, sum avrokna millum skip og manning.
Rætta eftirlønir hjá fiskiskipum í Nema Lønarskipan pr. 1. januar 2024
Allar eftirlønir eginpartur hjá manningum í % mugu broytast frá 9 ella -9 til 10 ella -10.
Hjá teimum, sum nýta forskot, skal flugubein verða sett í at rokna av frítíðarløn eisini.
Vel listar, vel frádráttir og rætta hesar:
8720, 8722, 8724 og 8728 hjá S&N
8750, 8752, 8754 og 8758 hjá MF
8780, 8782, 8784, 8786 og 8788 hjá FF
Tað kunnu verða onnur nummur hjá onkrum, men mátin er tann sami.
Tað ber eisini til at rætta satsirnar á hesum frádráttum við at marka ein frádrátt ella hóprætta allar hesar nevndu frádráttir við at marka teir við CTRL niðri og so velja ”Dagfør satsir við Nema” uttast til høgru.
Tey, sum nýta dos-lønarskipanina, skulu velja forrit HF á forsíðuni (um enn onki HF sæst)
og har rætta linju d) og h) og l) frá -9 og 9 til -10 og 10.
Nema Løn og Felagstrygging umborð ársskiftið 2023
Felags tryggingargjaldið umborð skal broytast pr.1.1.2024 frá 145,42 kr. til 171,96 kr. um mánaðin.
Orsaka av rokniháttinum av hesum frádrátti viðvíkjandi restsaldo, so skal hetta skiftið gerast uppá ein serligan máta:
Satsurin á frádrátti 9141 og 9142 skal verða tann upprunligi (145,42 kr.) !!
Vel frádráttir.
Marka frádrátt “9141 Betri Pensjón Viðbót Trygging”
Vel persónar uttast til høgru
Vel Broyt uttast til høgru.
(Nýggj linja kemur fram.)
Set flugubein í “Regulera við restsaldo”
Vel knøtt “Áset nýggja dato”
Vel knøtt “Goym broytingar”
Vel knøtt “Gevast”
Marka frádrátt “9142 Betri Pensjón Gjald trygging”
Vel persónar uttast til høgru
Vel Broyt uttast til høgru
Set flugubein í “Regulera við restsaldo”
Vel knøtt “Áset nýggja dato”
Vel knøtt “Goym broytingar”
Vel knøtt “Gevast”
Broyt frádrátt 9141 og set sats til 171,96 og goym
Broyt frádrátt 9142 og set sats til 171,96 og goym
Net Løn og árskiftið 2023
Tey, sum nýta web-lønaskipan Net Løn skulu ikki gera nakað serligt ísamband við nullstilling av lønartotalum. Alt er datostýrt.
Somuleiðis er dagføring av almennum gjøldum og lógarkravdari eftirløn sjálvgjørt.
