Um okkum Søgan Missión vissión og virðir Handlar Starvsfólk Starv Stuðul Nema Kalendarin

Stuðul

Okkara stuðulspolitikkur

Nema leggur dent á at stuðla verkætlanum, sum eru viðkomandi fyri okkara virksemi.  

Frá okkara sjónarmiði er stuðulsskipanin ein íløga í verkætlanir, sum samsvara við okkara endamálsorðing og harafturat ein møguleiki at fáa djypri innlit í tað, sum rørir seg í samfelagnum, serliga á okkara øki.  

Seráhugamálini hjá Nema eru verkætlanir, sum hava hesar eginleikar: 

  1. At kveikja áhuga fyri og leggja dent á forriting. 
  2. At upplýsa um og varpa ljós á atburð á netinum, bæði fyrimunir og vansar við internetnýtslu. 
  3. Virksemi ella gransking, sum er viðkomandi fyri tøkni og trygd á netinum.  

Um tú hevur eitt gott hugskot ella eina granskingarverkætlan, sum er í tráð við okkara endamálsorðing, ert tú vælkomin at seta teg í samband við okkum. Vit eru forvitin at frætta frá tær. 

Tó at Nema hevur ávís øki, sum eru serliga áhugaverd fyri okkum, taka vit gjarna ímóti øllum úmsóknum. Tað er altíð vert at royna, hóast tín verkætlan kanska ikki hevur tað, sum vit sóknast eftir. 

Nema, stuðul og tilvit 

Sum fyritøka fevna vit breitt, og tað er okkara ábyrgd at vera tilvitað um, hvørja ávirkan vit hava á samfelagið og umhvørvið. Vit eru forvitin at fylgja við, hvat rørir seg í samfelagnum og vilja fegin eggja einstaklingum, áhugabólkum og felagsskapum við stuðli og skapa karmar fyri ungar spírar, har teirra hugskot og gransking verða stimbrað og ment.  

Søk um stuðul

Hvussu søkja um stuðul?

Allar umsóknir skulu vera skrivligar og fyllast út við umsóknini her á síðuni. Har skal koma greitt fram, hvat endamálið er við tiltakinum/átakinum, og hvat stuðulin skal nýtast til. Umsóknir til størri átøk mugu verða okkum í hendi millum 3-6 mánaðar áðrenn stuðulin skal nýtast.

Hvat hendir so?

Umsøknirnar vera viðgjørdar einaferð um mánaðin, og allar fáa eitt skrivligt svar aftur.

Umsóknir til smærri tiltøk, ið liggja minni enn 1 mánað frá umsóknardegnum, verða ikki viðgjørdar.

Hví vit ikki stuðla hvørjaferð!

Nógv leita sær til okkara viðvíkjandi stuðli ella samstarvi, og vit mugu ásanna, at øll øki eru áhugaverd, men tó mugu vit avmarka okkum. Vit hava valt at stuðla fáum, so vit veruliga kunnu gera mun, har vit eru.

Takk fyri áhugan at spyrja okkum.

Ring 20 20 20

Far til vinnu