MIÐNÁMSSKÚLIN Í HOVI Aftur

Nýggi skúlin er um 3.000 fermetrar í trimum hæddum. Spennandi innrættaður til nýggjar tíðir og nýggj frálærukrøv. Árni Winther arkitektar hava teknað skúlan, sum umframt studentaskúlan rúmar Heilsuskúla Føroya.

Heystið 2008 vann Nema ta stóru verkætlanina at totalmøblera skúlan. Flokshølini eru innrættað við ljósum møblum frá Kinnarps við m.a. ergonomiskum stólum, sum kunnu stillast í hædd. Flokshølini hava øll samvirknar talvur, sum Nema eisini hevur leverað. Serstovurnar eru væl útgjørdar við innbúgvi frá útvegara okkara, Skandinavisk Skoleinventar. Bóka- og miðlasavnið er innrættað við telduborðum og arkitektteknaðum bókasavnsinnbúgvi frá Lustrum.

Úti á gongini eru skáp. Hvør næmingur hevur sítt skáp, har hann kann hava farteldu og persónligar lutir undir lási. Á gongini er eisini lounge-øki við bleytum møblum, har næmingar savnast í fríkorterum og til bólkaarbeiði. Rúmliga og hugnaliga caféøkið er innrættað við designmøblum frá Lammhults.

Harumframt hevur skúlin góðar umstøður til lærarafyrireiking og umsiting. Fimleikarhøllin kann myrkjaleggjast við fjarstýring í sambandi við, at hon eisini verður brúkt til størri tiltøk.

Okkara dugnaligu og arbeiðssomu montørar búðu næstan út í eitt í Suðuroy, meðan møbleringin fór fram, og tí kundu vit avlevera 100 prosent liðugt innrættingararbeiði rættstundis, várið 2009.