Farnet
{{item.title}}
Eykatænastur
Eitt Farnet til alt – Nú eisini við 5G
Tá tú fært beinaran frá okkum, skalt tú bara tendra hann – so koyrir tað. Einki roks. Og tað er lætt at sløkkja farnet-haldið, tá tú ikki skal brúka tað. Tað einasta, ið krevst fyri at hava farnet, er gott 4G/5G samband, har tað skal brúkast. Við okkara framkomna farneti kunnu vit bjóða gott netsamband um alt landið.
Hví fáa sær farnet?
Fleiri velja sær farnet heldur enn breiðband heima, tí tað er skjótt og lætt. Eingir káplar, ongan montør, einki kopargjald, eingin bíðitíð.
Um tú onga linjuføring hevur til húsini, nýtist tær ikki at bíða eftir, at ein montørur kemur at knýta linjuna til. Set teg í samband við okkum, so gera vit beinaran kláran. Tú heintar bara beinaran og setur hann til streym – so koyrir tað.
Alt er uppsett, tá tú fært útgerðina. Tað einasta, tú skalt gera, er at seta beinaran til streym. Ynskir tú at vera meira mobilur, so kanst tú eisini fáa donglar, ið fáa streym úr telduni, ella beinarar, ið brúka battarí.
Farnet koyrir við rúkandi ferð á bæði 3G og 4G netinum. Í summum støðum er farnet ferðin væl hægri enn breiðbandsferðin, men aðrastaðni er breiðbandsferðin hægri.
Við farneti fært tú hægri upload enn tey vanligu haldini til breiðband.
Um tú samanber upload, download og prís, so eru Farnet haldini væl bíligari í mánaðargjaldi, og harumframt hava tey heldur einki linjugjald.
Vel røttu útgerðina til títt Farnet
Vilt tú vera meira mobilur og hava útgerð, sum er løtt at ferðast runt við? Vit bjóða donglar og farnet beinarar,
ið passa til tín tørv. Bæði um tú skalt vera á netinum við einari ella fleiri eindum.
Fá sum mest burturúr tínum farneti
Tað eru ymisk viðurskifti, ið gera seg galdandi, um tit skulu fáa skjótast
møguligu ferð til farnetið og víðari til eindirnar í húsarhaldinum.
Samband
Tú mást altíð tryggja tær, at tú fart besta sambandið frá nærmastu sendistøð og inn til tín beinara.
Fá sum mest burturúr við at halda beinaran burtur frá ov nógvum lutum og tilfari sum heild.
Somuleiðis skal beinarin standa soleiðis fyri, at signalið kann ferðast frítt inn til tey støð, har ið tørvurin á internetinum er størstur.
Tað ber sjálvandi eisini til at knýta eindir, sum sjónvarp og teldur, beinleiðis við kápli til beinaran.
Røttu útgerðina
Tað hevur stóran týdning, at útgerðin ikki gerst ov gomul.
Hvat er “ov gomul”? Tað kann vera eitt sindur ymiskt, men sum heild skal man ikki spara uppá beinaran, um man vil tryggja sær skjótt farnet.
Um tú ikki er nøgdur við ferðina, so er oftast gott at spyrja seg sjálvan, hvussu gamal beinarin er.
Rætta haldið
Vit síggja eina alsamt vaksandi dátunýtslu bæði í telefonhaldum og internethaldum. Tí er tað sera týdningarmikið, at tit velja tað rætta farnethaldið, ið nøktar tykkara tørv.
Nýtslan avhongur nógv av, hvussu nógv tit eru í húsarhaldinum og um øll eru á í senn. Stroyma tit nógv á eitt nú Youtube, Netflix o.s.fr.? Spæla tit á netinum við Playstation, teldu ella líknandi?
Hesir eru allir viðkomandi spurningar, ið avgera hvat fyri hald, tykkum tørvar.
Um har eru ivamál, so hjálpa vit gjarna.
