LÆRLINGUR TIL NEMA Aftur

Lærlingur til Nema

Vit søkja eftir lærlingi til okkara skrivstovumarknað í handlinum í Tórshavn. Ynskir tú avbjóðingar og persónliga menning, og brennir tú fyri at selja kvalitet og at hjálpa øðrum, so ert tú kanska rætta fólkið til starvið.

Starvið

Tú verður partur av einum toymi, ið selur skrivstovulutir til fyritøkur, stovnar og privatbrúkarar. Tú sleppur at taka ábyrgd eftir áhuga og førleika. Tú verður við í alskyns uppgávum so sum sølu og ráðgeving, telefon- og teldupostavgreiðslu, vørumóttøku, vøruframsýningum, marknaðarátøkum og nógvum øðrum spennandi uppgávum. Arbeiðsstaðurin er hjá Nema á Smyrilsvegi 5 í Tórshavn, haðani tú eisini fert at samstarva við hinar deildirnar hjá Nema í Føroyum. Arbeiðstíðin er 40 tímar um vikuna.

Tú hevur góðan læruhug og vísir opinleika og forvitni. Tú ert eisini fyrikomandi og málsøkin og kanst arbeiða sjálvstøðugt líka væl sum í toymi. Tú dugir at samskifta bæði skrivliga og munnliga, og tær dámar at skapa varandi sambond, ið gagna bæði kundanum og handlinum. Hevur FHS ella HH prógv.

 

Vit bjóða

Eitt gott, fjølbroytt og spennandi starv í einum professionellum umhvørvi, har tú fært møguleikar at menna teg persónliga og fakliga og sleppur at seta tíni fingramerki á arbeiðsdagin. Tú fært eina skipaða lærutíð, og tú fært uppgávur og ábyrgd í samsvari við tínar vaksandi førleikar. Løn og setanartreytir sambært sáttmála.

Forvitin?

Vilt tú vita meira um starvið, ert tú vælkomin at seta teg í samband við Jan P. Jacobsen á tel. 794 272 ella á jpj@nema.fo.

Umsóknir

Umsóknir við avritum av viðkomandi skjølum skulu sendast til Nema á hrdeildin@nema.fo ella til:

Nema, HR-deildin, Postboks 109, 110 Tórshavn

Umsóknir skulu vera okkum í hendi í seinasta lagi 8. oktobur 2018. Allar umsóknir verða viðgjørdar í trúnaði.