WIKI TÍÐINDI Aftur

Tvungin eftirløn pr. 1. januar 2018

Tvungin eftirløn skal broytast frá 3% til 4% pr. 1. januar 2018. Henda eftirlønin  hækkar við 1% hvørt árið fram til 2029, tá hon er komið uppá 15%. (Sí kunngerdaportalur.fo 157/2015)

Tey, sum eru frítikin fyri tvungna eftirløn, eru tey, sum IKKI eru fylt 21 ár útgjaldsdagin - og tey, sum eru fødd áðrenn 1. januar 1954. Tvs. tey, sum í 2018 blíva 64 ár ella meira. Og so tey, sum TAKS hevur góðkent at verða undantikin - t.d. útlendingar við arbeiði í Føroyum.

Tey, sum fáa fólkapensjón (vanliga frá 67 ára aldri), kunnu IKKI fáa eftirløn. Tað noktar lønportalurin fyri. Hava arbeiðsgevarar skyldu til at gjalda hesum eftirløn, tí sáttmáli ella avtala sigur tað, so má arbeiðsgevari útgjalda hesum sína eftirløn sum løn. Hetta verður vanliga gjørt við at stovna ein "frádrátt" til "útgoldna eftirløn". 

Tey, sum hava tvungna eftirløn í síni lønarskipan, skulu broyta eginpartin frá -3% til -4% og eftirlønina frá 3% til 4%,

Um ein hevur brúkt satsin 3,36%, skal hesin broytast til -4,48% og 4,48%.

Um ein hevur brúkt satsin 1,04%, skal hesin broytast til -1,05% og 1,05%

 

Tvungin eftirløn verður roknað av allari A-inntøku íroknað  frítíðarløn/ískoyti.

Vanlig eftirløn verður roknað av allari A-inntøku  men ikki  íroknað frítíðarløn/ískoyti.

 

Løntengd almenn gjøld pr. 1. januar 2018

  • Gjaldið til Arbeiðsmarknaðareftirlønargrunnin er hækkað frá 2,25% til 2.50% fyri 2018 og hækkar til 3,0% fyri 2019. (Sí kunngerdaportalur.fo 70/2018)
  • Gjaldið til Barsilsskipanina er óbroytt 0,71%. (Sí kunngerdaportalur.fo 137/2015)
  • Gjaldið til Vinnusjúkragrunnin er óbroytt 0,1%
    (Gjaldið til Barsils- og Vinnusjúkragrunnin verða kravd inn saman).
  • Gjaldið til Arbeiðsloysisskipanina er óbroytt 1.25% 
  • Samlaða gjaldið til hesi almennu gjøldini er sostatt hækkað frá 4,31% til 4,56% fyri 2018 og hækkar til 5,06% fyri 2019, um alt annað er óbroytt.
  • Gjaldið til Trygdargrunn Fiskivinnurnar er óbroytt 0,6%. (Sí kunngerdaportalur.fo  121/2016)

 

Ymiskt um ársenda/byrjan í dos-klokku- & dos-lønarskipan 2017/2018.

Við at opna hesa niðanfyri standandi fílu "arsendi17.pdf" kanst tú lesa um, hvat skal gerast í samband við ársskiftið 2017/18 hjá teimum við dos-lønarskipan og dos-klokkuskipan.

Tey, sum hava ALS Fiskavirkisskipan í dos-lønarskipan, skulu taka hesa niðanfyri standandi fílu "ALSSKEMA.TXT" niður og goyma hana (høgraklikk og gem som)  í directory ..\AVRLON. (Vanliga c:\avrlon). Svara J fyri at yvirskriva.

Um tú ivast, hvar lønarskipanin liggur, kanst tú høgraklikkja á ikonið fyri lønarskipan og hyggja undir "egenskaber".''